وزیر خارجہ اسحاق ڈار نے ہفتہ کو قومی اسمبلی کو ایک سوال کے تحریری جواب میں بتایا کہ پلوامہ حملے کے بعد نئی دہلی کی جانب سے پاکستان سے درآمدات پر بھاری ڈیوٹی عائد کرنے کی وجہ سے پاکستان اور بھارت کے درمیان تجارتی تعلقات 2019 سے معطل ہیں۔

مسٹر ڈار 14 فروری 2019 کو ہندوستانی مقبوضہ کشمیر میں فوجیوں کو لے جانے والی ایک بس پر خودکش حملے کا حوالہ دے رہے تھے، جس میں 40 اہلکار اپنی جانوں سے ہاتھ دھو بیٹھے تھے۔

انہوں نے کہا کہ بھارت نے پاکستان سے درآمدات پر 200 فیصد ڈیوٹی عائد کرنے کا فیصلہ کیا، کشمیر بس سروس اور لائن آف کنٹرول کے پار تجارت معطل کردی۔

یہ جواب شرمیلا فاروقی کے ایک سوال پر دیا گیا جس میں پاکستان کو پڑوسی ممالک کے ساتھ تعلقات میں درپیش چیلنجوں کے بارے میں تفصیلات طلب کی گئیں۔